காற்றாகும் உடல்

தெரிந்தவர் இல்லத்திருமணம் கும்பகோணத்தில் வைத்து நடைபெற்றது. வந்தே ஆக வேண்டும் என வருந்தி அழைத்ததால் அவர்கள் இல்லத்திருமணத்தில் கலந்து கொண்டோம்.

        கும்பகோணம் கோவில்களுக்கு குறைவில்லாத நகரம் ஆதலால் மூன்று தினங்கள் போல்அங்குதங்கி முக்கியமான ஆலயங்களை தரிசித்து வந்தோம்.

 அவை:           திருமீயச்சூர் லலிதாம்பிகை

                        திருவாரூர் தியாகராஜர்

                        நாச்சியார் கோவில்

                        பட்டீஸ்ரம் துர்க்கை அம்மன்

                        தாராசுரம் (புகழ் பெற்ற சிற்பங்கள் நிறைந்தது)

கும்பகோணம் மற்றும் மகாமகக் குளத்துக் கரையில்

உள்ள சப்தமாதர் ஆலயம்

                        சாரங்கபாணி கோவில் மற்றும் அருகில் பிரம்மன் கோவில்

                        ஆலங்குடி குருபகவான் மற்றும் திருச்சி அருகில் உள்ள திருப்பட்டூர்

                        பிரம்மபுரீஸ்வரர் ஆலயம்

மகாமகக்குளம்

நாங்கள் சென்ற நாட்கள் இடைவிடாத மழை. கொட்டும் மழையில் எந்த ஒரு கூட்டமும் நெருக்கடியும் இல்லாமல் உடலும் மனமும் குளிர ஸ்ரீலலிதாம்பிகை தரிசனம் கிடைத்தது. ஆலயத்தின் வெளிப்பிரகாரத்தில், சிவன்பார்வதி சிலை பிரமிக்க வைக்கும் கலை அம்சம் கொண்டது. அம்மனின் முகத்தை ஒருபுறம் பார்த்தால் கோபம் கொப்பளிக்கும் தோற்றம் தெரியும். அம்பாளை சாந்தப்படுத்த வேண்டி சிவனார் அம்மனின் முகவாயை தொட்டு சாந்தப்படுத்துக் தோற்றத்தில் சிறிது நகர்ந்து  அம்மனைப் பார்த்தால் சாந்தம் தவழும் அம்மனின் முகம் காட்சி அளிக்கும்.

வெளிப்பிரகாரம்

கலையழகு கொஞ்சும் சிற்பம்

திருமீயச்சூர் கர்ப்பகிரகம் [கஜபிருஷ்டம்]

திருவாரூர் தியாகராஜரையும் கொட்டுக் மழையில் தரிசித்தோம் (பார்க்க படம்) இக்கோவிலில் நவக்கிரகங்களின் சன்னதி ஒரே நேர்க்கோட்டில் அமைந்திருப்பது விசேஷம். நாங்கள் சென்ற சமயம் திருக்குளத்தில் நீர் தளும்பி நின்றது.

 சுப்பிரமணியர்

சிவபார்வதி

 நேர்கோட்டில் நவக்கிரகங்கள்

திருவாரூர் கோவில் [மழையில்]

திருவாரூர்  தெப்பக்குளம்

நாச்சியார் கோவில்

கல் கருட சேவையின் போது ஒரு அற்புதம் நடைபெறுகின்றது. அதாவது கருடனின் கனம் (எடை) அதிகமாகிக்கொண்டே போவதுதான். சன்னதியிலிருந்து வெளியே வரும்போது கருடனை நான்கு பேரால் ஏழப்பண்ண முடியும் அதுவே பிரகாரத்தை சுற்றி வரும்போது எட்டு பேர் வேண்டும், அடுத்து பதினாறு பேர், பின்னர் வெளியே வரும் போது முப்பத்திரெண்டு பேர் வெளியே வந்தவுடன் அறுபத்து நான்கு என்று நான்கின் மடங்கில் அதிகமாகிகொண்டே போகும் அதிசயம் நடைபெறும், அதே பெருமாள் திரும்பி வரும் போது அதே விகிதத்தில் எடை குறைந்து கொண்டே வரும்.

நாச்சியார் கோவில் கல்கருடன்

நாச்சியார் கோவில் கல் கருடன் மிகவும் விசேஷமானது. இது நமக்கு உணர்த்தும் பாடம் “ இறைவன் சன்னதியில் நமது உடலும் மனமும் காற்றைப்போல் லேசாகிவிடுகிறது. சன்னதியை விட்டு வெளியே வந்ததும் மீண்டும் லெளகீக விஷயங்களால் நமது உடலும் மற்றும் மன அழுத்தத்தினால் இதயமும் கனத்து விடுகிறது என்பதே”

தாராசுரம்  கோவில்

தாராசுரம்  கோவில்

தாராசுரம்  அர்த்தனாரீஸ்வரர்

தாராசுரம் கல்தேர்

பட்டீஸ்வரம் 

பட்டீஸ்வரம் துர்க்கை 

திருச்சி அருகில் 20 கி.மீ. தொலைவில் அமைந்திருக்கிறது திருப்பட்டூர் தலம். விதி இருப்பின் விதியை மாற்றி அருளும் பிரம்மாவின் திருத்தலமாகும். கோவிலின் உள்ளே சிறிது தொலைவில் உள்ள நந்தி மற்றும் மண்டபம் ஒரே கல்லில் ஆனது.

திருப்பட்டூர்  பிரம்மா

திருப்பட்டூர் நந்தி