உலகம் ஒரு அடியில்!

மகாபலிச் சக்ரவர்த்தி யாகம் செய்யும் இடத்திற்கு குள்ளமான உருவத்துடன் திருமால் பிரம்மச்சாரி வடிவில் வந்தார். 

 சக்ரவர்த்தியிடம் மூவடி மண் கேட்டு யாசித்தார். மன்னனும் அவ்வாறே நீர்வார்த்து அனுமதிக்க, முதல் அடியால் விண்ணையும் இரண்டாம் அடியால் மண்ணையும் அளந்து, “மூன்றாம் அடிக்கு இடம் எங்கே?” என்று கேட்க, மகாபலிச் சக்ரவர்த்தி தன் தலையை திருமாலுக்கு அர்ப்பணித்தார். அவன் தலை மீது தன் திருவடியை வைத்து அவனை பூமிக்குள் அமிழ்த்தினார்,திருமால். 

ஓணம் பண்டிகை தினமான இந்நாள், மகாபலிச் சக்ரவர்த்தி பூமிக்கு வரும் நாளாக கொண்டாடப்படுகின்றது. 

. இன்று கேரள மக்கள் வகை வகையான பூக்களால் கோலங்கள் வரைந்து ஓணம் சத்யா எனும் பெயரில் விருந்துண்பர். 

ஓணம் விருந்து

விருந்தில் சுவைக்கு இணையாக சத்தும் இருக்கும். மேல் தோல் நீக்கப்படாத சம்பா அரிசியில்தாம் சாதம் வடிப்பார்கள். சாதம் வேகும் போது ஊரே மணக்கும்.

இனிப்பு, காரம், புளிப்புன்னு அத்தனை சுவையும் நிறைந்தது ஓணம் விருந்து. அயிட்டங்களை இலையில் வைத்தால் வண்ணங்களால் கோலம் போட்டது போல் இருக்கும். 20க்கும் பேல் பதார்த்தங்கள் அதுவும் தும்பு இலையில் தான் பரிமாறுவார்கள். இலையில் பரிமாறுவதிலும் தனி இலக்கணமே இருக்கும்.

கேரளத்தில் 30 வகை பாயசம் உண்டு. நேந்திரம் பாயாசம், சக்கைப் பாயசம், அடைப் பாயசம், பால் பாயசம், சிறுபருப்பு பாயசம், கடலைப்பருப்பு பாயசம், சேனைப் பாயசம், தடியங்காய் பாயசம், சேமியா பாயசம்… இலையில், அவியல், துவரன் (முட்டைக்போஸ் கேரட்போட்டு தேங்காய் பால் சேர்த்து செய்வது), ஓலன் - (பூசணி, பரங்கி சேம்பு, வழுதலலங்காய், தட்டாம் பயிறு போட்டு  தேங்காய் பால் ஊற்றி செய்வது), பப்படம், ரசகதலி பழம். மேலும் உண்ணி அப்பம், முந்திரிக்கொத்து, கருப்பட்டி அதிரசம், கொழுக்கட்டை, பழம்பொறி, உப்பேரி, அடைப்பிரதன், சக்கைவற்றல் நிச்சயம் உண்டு.

          இதற்கு “ஓணம் சத்ய” சாப்பாடு என்று பெயர் .